Ansèume MATHIEU es nascu lou 21 d’abriéu de 1828 à Castèu-Nòu-de-Papo.

Es l'un di sèt felibre à l'óurigino dóu Felibrige.

Au pensiounat dóu coulège Dupuy a coume proufessour Jóusè ROUMANILLE, ié fai tambèn la couneissènço de Frederi MISTRAL.

Ié devèn lou recuei de pouèmo, "La Farandoulo", em’uno prefàci de soun ami Frederi MISTRAL, que fuguè publica en 1862.


Se n'a pas la memo enfluènci sus la reneissènço de la lengo prouvençalo, ié participè en signant pouèmo e conte dins l’Armana, sous l’escais-noum dóu "Felibre di Poutoun".

Defuntè lou 8 de febrié de 1895 en leissant dins l'istòri l'image d'un pouèto requist, que, emé si ritme e si rimo, pourtè un aflat nouvèu sus la Prouvènço.