Es nascu lou 27 de desèmbre de1822 en Avignoun, Jan BRUNET es l'un di sèt felibre foundadou dóu Felibrige, coulabouraire de l’Armana prouvençau.
Coumenço sa vido proufessiounalo coume pintre decouraire e veirié d'art, tout en tenènt uno boutigo d'antiqueta au 1 bis de la Carriero di Fourbissèire en Avignoun.
Publico quàuqui pouësìo entristesido e travaio subre-tout à la redacioun d'un repertòri, resta inedit, de prouvèrbi prouvençau. Soun escais-noum es : Lou felibre de l’arc-de-sedo.
Arrouina pèr si largesso, defuntè à l'espitau d'Avignoun après agué tenta de se douna la mort, lou 23 d’óutobre de 1894.