Pau GIÉRA, pouèto de lengo prouvençalo, es l'un di sèt felibre à l'óurigino dóu Felibrige. Nascu lou 22 de janvié de 1816 en Avignoun, defuntè lou 26 d’abriéu de 1861 dins la memo vilo.

Clerc de noutàri, croumpo un estùdi en Avignoun emé soun fraire Jùli en 1846.

Restavo alor dins un oustau noble dóu siècle XVIIen, au 15 de la Banastarié, alor que l'estùdi èro au 41 carriero dóu Four de la Terro.

Sa famiho èro prouprietàri dóu Castèu de Font-Segugno ounte fuguè crea lou felibrige.

Lou noutàri faguè lou rescontre de Jóusè ROUMANILLE e de Teoudor AUBANEL pèr l’escasènço d’uno obro de carita.

buste de Paul Giéra scuptée par M. Langloys située au parc des poètes à Eyragues Sa cargo de noutàri ié leissè de tèms pèr escriéure de pouësìo pleno d’óuriginaleta e de fantasié. Li signo tóuti souto l’escais-noum de "Glaup" o de "Lou Felibre ajougui", sènso se soucita de passa à la pousterita.

Es après sa mort que sis escri fuguèron recampa pèr soun ami Jóusè ROUMANILLE souto lou titre "Li Galejado", e enseri dins lou recuei "Lou Liame de rasin".



Mairie d'Eyragues - Place de la Libération - 13630 EYRAGUES | Contact | Informations légales